Вода питьевая упакованная

TOSHKENT SHAHRI OLMAZOR TUMANI HOKIMINING
QARORI
2026-yil 28-avgust
275-14-197-Q/26
Olmazor tuman hokimligi
Mablag‘ ajratish to‘g‘risida
O‘zbekiston Respublikasi Budjet Kodeksining 28-, 69- va 73-moddalari hamda
Olmazor tumani hokimligining bildirgilarini inobatga olib,
QAROR QILAMAN:
1. Olmazor tumani hokimligining zaxira jamg‘armasi mablag‘lari hisobidan
quyidagi tadbirlarga mablag‘ ajratilsin.
- Olmazor tumani hokimligiga, tuman hokimligi binosiga va tashrif buyuruvchi
fuqarolarga qulay shart-sharoitlar yaratish maqsadida ichimlik suvlari xarid qilish
xarjatlari uchun 12 000,0 ming so‘m (o‘n ikki million) mablag‘;
- Olmazor tumani hokimligiga, hodimlarning ish samaradorligini oshirish
maqsadida har oy tuman hokimligi balansidagi orgtexnika vositalarini ta’mirlash,
tuzatish hamda kartridjlarni to‘ldirish xarajatlari uchun 15 800,0 ming so‘m (o‘n besh
million sakkiz yuz ming) mablag‘;
- Olmazor tumani Oila va xotin-qizlar bo‘limiga, O‘zbekiston Respublikasi Oila
va xotin-qizlar qo‘mitasining hududlarda oila va xotin-qizlar bilan ishlashda yangi
yondashuvlarni joriy etish hamda amalga oshirilayotgan ishlarni o‘rganish bo‘yicha
berilgan topshiriq ijrosini ta’minlash maqsadida 0 yoshdan 100 yoshgacha bo‘lgan
xotin-qizlarning muammolari va ehtiyojlarini o‘rganish maqsadida anketasavolnomalar bilan ta’minlash xarajatlari uchun 20 000,0 ming so‘m (yigirma
million) mablag‘;
- tuman hokimligiga, “Yoshlik” talabalar shaharchasi hokimligi binosida tashkil
etilayotgan “Vaziyatlar markazi”da call-markaz faoliyatini yo‘lga qo‘yish maqsadida,
qisqa raqam xarid qilish xarajatlari uchun 20 000,0 ming so‘m (yigirma million)
mablag‘ ajratilsin.
2. Tuman Iqtisodiyot va moliya bo‘limi (D.Xatamov):
tuman mahalliy budjetining xarajatlar qismiga tegishli o‘zgartirishlar kiritilsin.
3. Olmazor tumani bo‘yicha G‘aznachilik bo‘linmasi (B.Kadirov):
ajratilgan mablag‘larni o‘rnatilgan tartibda moliyalashtirilishi ta’minlansin.
4. Tuman hokimligi bosh hisobchisi (Sh.Oripov):
ajratilgan mablag‘lar qonunchilik hujjatlariga amal qilgan holda maqsadli
sarflanishi ta’minlansin.
5. Mazkur qarorning ijrosini nazorat qilish tuman hokimining birinchi o‘rinbosari
J.Maxmudjonov zimmasiga yuklansin.
Tuman hokimi
Tulyaganov K.A